Ekoloqlar Kür çayında suyun keyfiyyətini yoxlayıblar

Gürcüstanın Milli Ətraf Mühit Agentliyinim mütəxəssisləri Cənubi Qafqazın əsas çayı olan Kür çayımda su nümunələri götürüblər.

”PostMedia” xəbər verir ki, bu, çayın Mühafizəsi Günü ilə əlaqədar həyata keçirilib.

Cənubi Qafqazın əsas su arteriyası sayılan Kür çayının Mühafizəsi Günü hər il iyunun 2-də Georgia, Armenia və Azerbaijanda qeyd olunur.

Mütəxəssislər çaydan götürülən suyun fiziki-kimyəvi göstəricilərini yerində müəyyən ediblər. Üzvi və qeyri-üzvi çirkləndiricilər, həmçinin ağır metallar isə agentliyin hava, su və torpaq analiz laboratoriyasında araşdırılacaq. Nəticələrin yaxın günlərdə açıqlanacağı bildirilib.

Agentlik qeyd edib ki, Kür hövzəsində suyun keyfiyyəti hər il mütəmadi şəkildə 67 nöqtədə monitorinq olunur və nəticələr rəsmi saytda dərc edilir.

Kür çayı Cənubi Qafqazın ən böyük çayıdır. Uzunluğu 1364 km, su hövzəsinin sahəsi isə 188 min km² təşkil edir. Çay Türkiyə ərazisindəki Qars/Ərdahan ətrafındakı dağlardan başlayır və Xəzər dənizinə tökülür.

Çay Türkiyə, Gürcüstan və Azərbaycan ərazilərindən keçir və xüsusilə Gürcüstan və Azərbaycan üçün əsas çay hesab olunur. Kür çayı üzərində Tbilisi, Qori, Rustavi, Mingəçevir, Yevlax, Şirvan və Salyan kimi şəhərlər yerləşir.

Kür üzərində bir sıra hidroelektrik stansiyalar fəaliyyət göstərir. Bunlara Gürcüstandakı Çitaxevi, ZAGES və Ortaçala SES-ləri, həmçinin Azərbaycandakı Şəmkir, Yenikənd, Mingəçevir və Varvara SES-ləri daxildir. Bu bəndlər daşqınlar zamanı su səviyyəsinin tənzimlənməsi üçün də istifadə olunur.

Çayda xramuli, çapaq və bığlı balıq kimi növlər yaşayır. Yerli balıqçılar arasında əvvəllər burada forel və hətta nərəkimilərin tutulması ilə bağlı rəvayətlər də dolaşır.