Rusiyalı deputatlar Ermənistanın suverenliyinə qarşı “müharibə elan ediblər” – XİN

Ermənistanın xarici işlər naziri Ararat Mirzoyan iyunun 2-də İctimai Televiziyada keçirilən seçkiqabağı debat zamanı bildirib ki, rusiyalı deputatlar, müxtəlif media nümayəndələri və ekspertlər “Ermənistanın suverenliyinə qarşı müharibə elan ediblər” və ölkənin daxili işlərinə daim müdaxilə edirlər.

"PostMedia" xəbər verir ki, Ermənistan “hər gün və hər yerdə hibrid təhdidlərlə” üzləşir. Bu təhdidlərə geniş miqyaslı dezinformasiya və ictimai rəyin manipulyasiyası daxildir ki, bunların bir hissəsi ölkə daxilindəki siyasi və ekspert dairələri tərəfindən, digər hissəsi isə xaricdən, o cümlədən Rusiya tərəfindən yayılır.

Mirzoyan əlavə edib ki, bütün bu məsələlər konstruktiv, işgüzar və tərəfdaşlıq mühitində həll edilməlidir. O, Ermənistan və Rusiya arasında normal və tərəfdaşlıq münasibətlərinin davam edəcəyinə əmin olduğunu bildirib.