Azərbaycanın Avropaya qaz ixracı may ayında 2,8%-ə çatıb

Avropa İttifaqının enerji bazarında Azərbaycan qazının payı artmaqda davam edir. "PostMedia" xəbər verir ki, son məlumatlara görə, Azərbaycanın Avropaya qaz tədarükü ümumi həcmin 2,8%-ni təşkil edib.
2026-cı ilin yanvar–may aylarında Avropaya qaz nəqlində LNG 39% payla lider olub. Şimal dənizi qazı (əsasən Norveç) 31% ilə ikinci, Şimali Afrika qazı 8,2% ilə dördüncü yerdə qərarlaşıb.
Şərqdən gələn qaz tədarükü isə ümumilikdə 5% təşkil edib. Bu kateqoriyaya Rusiya qazı, Ukrayna vasitəsilə tədarüklər və Avropa şirkətlərinin Ukrayna anbarlarından qaz çıxarışı daxildir.
Qeyd edək ki, Avropa bazarında enerji mənbələri arasında rəqabət davam edir və ümumi LNG idxalı mayda azalsa da, yanvar–aprel aylarında göstəricilər yüksək səviyyədə qalıb.