Bu il azad olunmuş ərazilərdə xərclənən vəsaitin həcmi açıqlanıb

 İşğaldan azad olunmuş ərazilərin yenidən qurulması və bərpası məqsədilə 2025-ci ilin ilk altı ayında sifarişçi təşkilatlar tərəfindən müvafiq layihələr üzrə təqdim edilmiş kassa sifariş sənədləri əsasında dövlət büdcəsində illik nəzərdə tutulmuş vəsaitin 38,8 %-i istifadə olunub.

"PostMedia" xəbər verir ki, bu barədə "Azərbaycan Maliyyə Nazirliyi məlumat yayıb.

Bu çərçivədə avtomobil yollarının layihələndirilməsi və tikintisi, yeni yaşayış komplekslərinin salınması, su və kanalizasiya sistemlərinin qurulması, sənaye parklarında infrastrukturun yaradılması və elektrik təchizatının təmin olunması işləri həyata keçirilib. Bundan əlavə, sosial sahələr – təhsil, səhiyyə, mədəniyyət və idman obyektlərinin bərpası və qurulması, ərazilərin minalardan təmizlənməsi tədbirləri maliyyələşdirilib.