PSJ Qitələrarası Kuboku qazanıb

Fransa çempionu, ölkə kubokunun, Superkubokun və Çempionlar Liqasının qalibi olan PSJ Qitələrarası Kuboku da öz muzeyinə əlavə edib.

"PostMedia" xəbər verir ki, Qətərdə keçirilən finalda ispan mütəxəssis Luis Enrikenin rəhbərlik etdiyi komanda Libertadores Kubokunun qalibi, Braziliya çempionu “Flamenqo”nu oyundan sonrakı penaltilər seriyasında məğlub edib.

Görüşün 38-ci dəqiqəsində Paris təmsilçisinin gürcü hücumçusu Xviça Kvaratsxeliya hesabı açıb.

62-ci dəqiqədə italiyalı yarımmüdafiəçi Jorjinyonun yerinə yetirdiyi penalti zərbəsi ilə “Flamenqo” hesabı bərabərləşdirib.

Əlavə vaxtda qol qeydə alınmayıb.

Oyundan sonrakı penaltilər seriyasında PSJ 2:1 hesabı ilə qalib gəlib (video).

PSJ-nin rusiyalı qapıçısı Matvey Safonov penaltilər seriyasında 4 zərbəni dəf edib.