“Barselona” Levandovskinin müqaviləsini uzatmağa hazırdır

İspaniya çempionu “Barselona” komandanın polşalı hücumçusu Robert Levandovski ilə yeni müqavilə bağlamağa hazırdır.

"PostMedia" xəbər verir ki, bu barədə ESPN məlumat yayıb.

Klub rəhbərliyi və almaniyalı baş məşqçi Hans-Diter Flik 37 yaşlı futbolçunun oyunundan və komandadakı rolundan razıdırlar. Levandovskinin həm meydanda çıxışı, həm də soyunub-geyinmə otağındakı liderliyi yüksək qiymətləndirilir.

Hücumçunun hazırkı müqaviləsi cari mövsümün sonuna qədər qüvvədədir. Gözlənilən yeni anlaşmaya əsasən, onun maaşında azalma olacaq. Hələlik tərəflər arasında rəsmi danışıqlar aparılmayıb.

Cari mövsümdə Robert Levandovski “Barselona”nın heyətində 17 oyunda iştirak edib və 9 qol vurub.