Antuan Semenyo "Mançester Siti"yə keçəcək

Qana millisinin 25 yaşlı cinah hücumçusu Antuan Semenyo "Bornmut"dan "Mançester Siti"yə transfer olunacaq.

"PostMedia" xəbər verir ki, bu barədə Fabrizio Romano məlumat yayıb.

Transfer məbləği 75 milyon avro təşkil edəcək. Yanvarın 8-də Semenyo "Mançester Siti"də tibbi müayinədən keçəcək və uzunmüddətli müqavilə imzalayacaq.

Qeyd olunur ki, Semenyo kataloniyalı məşqçi Xosep Qvardiolanın rəhbərliyi altında çıxış etmək üçün Premyer Liqanın dörd klubunun təklifini rədd edib.

İngiltərə çempionatının cari mövsümündə Semenyo 19 oyunda iştirak edib, 9 qol vurub və 3 məhsuldar ötürmə edib.

Transfermarkt Semenyonun transfer dəyərini 65 milyon avro qiymətləndirir.