Bred Pittin anası vəfat edib

Dünyaca məşhur Hollivud olduzi Bred Pittin anası Ceyn Etta Pitt 84 yaşında dünyasını dəyişib.
“PostMedia” xəbər verir ki, bu barədə onun qardaşı qızı Sidnet Pitt sosial media hesablarında paylaşım edib.
“Şirin nənəm Ceyn Etta, sənin getməyinə hələ hazır deyildik. Amma artıq azad şəkildə mahnı oxuyub, rəqs edib, şəkil çəkə bildiyini bilmək, içimizi bir qədər olsun rahatladır”.
Bred Pittin anasını çox sevdiyi məlum idi. Ailənin bir yerdə qalmasında mühüm rol oynayan Ceyn Etta, 5 il əvvəl bütün ailəni bir araya gətirən xüsusi bir tədbir təşkil edibmiş.

Keçmiş ailə məsləhətçisi olan Ceyn Etta adətən kameralardan uzaq həyat tərzinə üstünlük verib. Lakin əri Viliams Pitt ilə birlikdə zaman-zaman Bred Pittin dəvəti ilə qırmızı xalça tədbirlərində iştirak edib.