Liviyanın sabiq prezidenti Müəmmər Qəddafinin oğlu öldürülüb

Liviyanın keçmiş prezidenti Müəmmər Qəddafinin oğlu Seyf əl-İslam Qəddafi öldürülüb.

“PostMedia” xəbər verir ki, bu barədə “Al Arabiya” telekanalına Qəddafi ailəsinə yaxın mənbə məlumat verib.

Mənbənin bildirdiyinə görə, dörd naməlum şəxs Qəddafiyə onun bağında atəş açıb, daha sonra isə hadisə yerindən qaçıb.

Hazırda qətlin kimlər tərəfindən törədildiyi məlum deyil.

Liviyanın dövlətə məxsus LANA xəbər agentliyi də Seyf əl-İslam Qəddafinin ölümünü təsdiqləyib və məlumatı onun müşaviri Abdulla Osmaniyə istinadla yayıb.

Seyf əl-İslam uzun müddət atasının siyasi varisi hesab olunurdu. O, 2021-ci ildə prezidentliyə namizədliyini irəli sürmək niyyətini açıqlamışdı, lakin həmin seçkilər qeyri-müəyyən müddətə təxirə salınmışdı.