Sərnişin qatar yoluna düşdü, metroda interval qarışdı

Bu gün “Bakı Metropoliteni” QSC-nin “Həzi Aslanov- Dərnəgül” və “Həzi Aslanov İçəri şəhər” istiqamətində hərəkət edən qatarların hərəkətində yubanma yaranıb.

”PostMedia” xəbər verir ki, nəticədə intervalda 10 dəqiqəyə qədər yubanma yaranıb.

Məsələ ilə bağlı qurumdan fatı təsdiq ediblər:
“Bu gün saat 20:00 radələrində “Nərimanov” stansiyasında sərnişin stansiya yoluna düşüb.

Dərhal təmas relsindən yüksək gərginlik çıxarılıb və təcili tibbi yardım xidməti əraziyə çağırılıb.

Yüksək gərginlik bərpa edildikdən sonra qatar sərnişinsiz yola salınıb və "Nərimanov" stansiyasından elektrik deposuna göndərilib.

Hadisə ilə bağlı intervaldan əlavə yubanmalar yaranıb.

İlkin məlumata əsasən, 50-55 yaşlarında kişi sərnişin qatar platformaya daxil olan zaman relsin üzərinə düşüb. Qatar maşinisti dərhal əyləci sıxıb, sərnişinin stansiya yolundan çıxarılması üçün əməliyyat planı həyata keçirilib. Təəssüf hissi ilə bildiririk ki, sərnişinin həyatını xilas etmək mümkün olmayıb.

Allah rəhmət eləsin!“