ABŞ İranın nüvə obyektlərinə, raketlərinə və buraxılış qurğularına zərbə endirə bilər - NYT

ABŞ Prezidenti Donald Tramp danışıqlar davam etdiyi müddətdə növbəti addımlarla bağlı konkret qərar verdiyinə dair heç bir işarə etməyib.

"PostMedia" xəbər verir ki, bu barədə "The New York Times" məlumat yayıb.

Qəzetin məlumatına görə, Yaxın Şərqdə ABŞ hərbi qüvvələrinin sürətlə cəmləşdirilməsi elə bir səviyyəyə çatıb ki, Prezident Tramp artıq bu həftəsonu İrana qarşı hərbi əməliyyatlara başlaya bilər.

Bildirilir ki, ABŞ İranın nüvə obyektlərinə, ballistik raketlərinə və onların buraxılış qurğularına zərbələr endirə bilər. Eyni zamanda, İran diplomatik həll yolu ilə bağlı daha ətraflı təkliflər təqdim etmək üçün iki həftə vaxt istəmək niyyətindədir.

Artıq bir neçə həftədir yüksək döyüş hazırlığı vəziyyətində olan İsrail qüvvələri mümkün müharibəyə hazırlığı intensivləşdirib. İsrailin təhlükəsizlik kabinetinin iclası cümə axşamından bazar gününə keçirilib. Bu barədə İsrail Müdafiə Nazirliyinin iki rəsmisi məlumat verib.

Tramp dəfələrlə bəyan edib ki, İran onun şərtlərini yerinə yetirməsə, ciddi nəticələrlə üzləşəcək. Bununla belə, 12 günlük müharibədən səkkiz ay sonra (həmin dövrdə İsrail və ABŞ İranı hədəfə almışdı) yeni hücum ciddi risklər yarada bilər. Bu risklərə İranın İsrailə və regiondakı ABŞ qoşunlarına qarşı cavab raket zərbələri də daxildir, – deyə nəşr qeyd edir.