ABŞ, İrandan sonra Pakistanın danışıqlarda yeganə vasitəçi olduğunu bəyan edib

"Pakistanlılar özlərini inanılmaz vasitəçilər kimi sübut ediblər; biz onların dostluğunu və səylərini qiymətləndiririk və onlar İranla danışıqlarda yeganə vasitəçidirlər".

"PostMedia" xəbər verir ki, bu barədə "Ağ Ev"in mətbuat katibi Kerolayn Levitt bəyanat verib.

O əlavə edib ki, blokada İran limanlarına daxil olan və ya oradan çıxan bütün ölkələrin gəmilərinə şamil edilir.

"Biz rəsmi olaraq atəşkəsin uzadılmasını xahiş etməmişik", - deyə Levitt qeyd edib.

Onun sözlərinə görə, Si Cinpin Trampı əmin edib ki, bu münaqişə zamanı onlar İrana silah tədarük etməyiblər.

Daha əvvəl İran Xarici İşlər Nazirliyi danışıqları müstəsna olaraq pakistanlı vasitəçi vasitəsilə aparmaq niyyətində olduqlarını bəyan etmişdi.