Azərbaycanın da təmsil olunduğu Antalya Diplomatik Forumu bu gün başlayıb

Bugün Türkiyənin Antalya şəhərində Antalya Diplomatik Forumu 2026 öz işinə start verib. "PostMedia" xəbər verir ki, 17–19 aprel tarixlərində keçirilən forumda dünyanın 150 ölkəsindən yüzlərlə yüksək səviyyəli nümayəndə iştirak edəcək. Tədbir Recep Tayyip Erdoğan himayəsi ilə təşkil olunub və əsas mövzusu “Gələcəyin formalaşdırılması və qeyri-müəyyənliyin idarə olunması”dır. Forum çərçivəsində qlobal və regional münaqişələr, xüsusilə Yaxın Şərq və İran ətrafında vəziyyət müzakirə olunacaq. Tədbirdə 20-dən çox dövlət və hökumət başçısı, 50-dən artıq nazir, o cümlədən xarici işlər nazirləri iştirak edəcək. Qeyd edək ki, Azərbaycan da forumda yüksək səviyyədə təmsil olunur. Forum müddətində 40-dan çox sessiya və görüşün keçirilməsi planlaşdırılır. Təhlükəsizlik tədbirləri gücləndirilib və tədbirə giriş yalnız xüsusi akkreditasiya ilə mümkündür.