Azərbaycannın Rusiyadakı səfiri Rusiyanın xarici işlər nazirinin müavini ilə görüşüb

Fevralın 12-də Azərbaycanın Rusiyadakı səfiri Rəhman Mustafayev Rusiyanın xarici işlər nazirinin müavini Mixail Qaluzinlə görüşüb.

"PostMedia" xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.

Məlumata görə, görüş zamanı ikitərəfli gündəmin bir sıra aktual məsələləri müzakirə olunub.

“2022-ci il fevralın 22-də Moskvada imzalanmış Rusiya Federasiyası ilə Azərbaycan Respublikası arasında müttəfiqlik qarşılıqlı fəaliyyəti haqqında Bəyannaməyə uyğun olaraq münasibətlərin bundan sonra da inkişaf etdirilməsinə dair fundamental öhdəlik bir daha təsdiqlənib.

Yaxın dövrdə planlaşdırılan siyasi təmasların qrafiki nəzərdən keçirilib. Bir sıra regional və beynəlxalq məsələlər müzakirə olunub”, – deyə Rusiya XİN-in açıqlamasında bildirilir.