Azərbaycan və Gürcüstan DİN əməkdaşlığı genişləndirəcək

Gürcüstan və Azərbaycan hüquq-mühafizə sahəsində əməkdaşlığın dərinləşdirilməsinə dair razılığa gəliblər.

"PostMedia" xəbər verir ki, Azərbaycanın daxili işlər naziri Vilayət Eyvazov Gürcüstanın daxili işlər nazirinin müavini Qiorqi Saxokianı qəbul edib.

Görüşdə iki ölkə arasında hüquq-mühafizə sahəsində əməkdaşlıq və onun dərinləşdirilməsi perspektivlərini müzakirə ediblər.

Görüşdə xüsusi diqqət bu ilin noyabrın 21-də imzalanmış əməkdaşlıq sazişinə yönəldilib. Sazişi hər iki ölkənin daxili işlər nazirləri imzalayıblar.

Müzakirələr zamanı həmçinin hüquq-mühafizə orqanları arasında əməkdaşlıq, polis attaşelərinin institutunun gücləndirilməsi və iki ölkənin polis təhsil müəssisələri arasında əməkdaşlığın prioritet istiqamətləri müzakirə olunub. Tərəflər ən yaxşı təcrübənin paylaşılmasının əhəmiyyətini və polis akademiyaları arasında birgə təlimlərin və kursların təşkili məsələlərini də nəzərdən keçiriblər. Görüşün sonunda Saxokia Azərbaycanın daxili işlər nazirinə qonaqpərvərliyinə və məhsuldar əməkdaşlığa görə təşəkkür edib.

Azərbaycan səfəri çərçivəsində, daxili işlər nazirinin müavini və nümayəndə heyəti həmçinin Azərbaycanın Fövqəladə Hallar Nazirliyinin 20 illik yubileyinə həsr olunmuş təntənəli tədbirdə iştirak ediblər.