Avropa İttifaqı Ermənistana 5,5 milyon avro köçürüb

Avropa İttifaqının 5,5 milyon avroluq tranşı Ermənistanın dövlət büdcəsinə köçürülüb.

Bu, “Ermənistanda ədliyyə sahəsində islahatlara dəstək: II mərhələ” proqramının 100%-lik icrası sayəsində mümkün olub.

"PostMedia" xəbər verir ki, bu barədə Ermənistan Ədliyyə Nazirliyi məlumat yayıb.

Ədliyyə naziri Sbrbuxi Qalayan ölkədə Avropa İttifaqının nümayəndəliyinin səfiri Vasilis Maragosla görüşüb. Tərəflər həyata keçirilmiş layihələri müzakirə ediblər.

Proqram çərçivəsində bir sıra əsas istiqamətlər üzrə tam irəliləyişə nail olunub.

Nazirlik bildirir ki, bütün planlaşdırılmış icra göstəriciləri tam yerinə yetirilib.