Elm və Təhsil Nazirliyinin 8,7 milyon manatlıq tenderinin qalibi sevimli şirkəti olub

Azərbaycan Respublikasi Təhsil Nazirliyinin Təsərrüfat Hesabli Əsasli Tikinti və Təchizat İdarəsi tərəfindən elan edilən tenderin qalibi müəyyən olunub.

“PostMedia” xəbər verir ki, respublikanın bir sıra məktəbəqədər və ümumtəhsil müəssisələrində təmir, kommunal-kommunikasiya və abadlıq işləri ilə bağlı elan edilən müsabiqənin qalibi "Elite construction" MMC olub.

Bağlanan müqaviləyə görə qalibə 8 685 354,81 manat ödənilib.

"Elite construction" bu vəsaitin qarşılığında layihə çərçivəsində 7037 adda müxtəlif xidmət göstərəcək.

Qeyd edək ki, son 4 ildə adıçəkilən şirkət Nazirliyin ümumi dəyəri 20,3 milyon manat olan 8 tenderinin qalibi olub.

Nizamnamə kapitalı 3500 manat olan "Elite construction"ın qanuni təmsilçisi Quliyev Ramiz Məhəmməd oğludur.