İraqda məhv olmuş ABŞ təyyarəsinin ekipajının bütün üzvləri həlak olub

İraqın qərbində məhv olmuş "KC-135" yanacaqdoldurma təyyarəsinin bütün altı ekipaj üzvü həlak olub.

"PostMedia" xəbər verir ki, bu barədə ABŞ Mərkəzi Komandanlığı məlumat yayıb.

“Əməliyyat zamanı təyyarə martın 12-də "Epik Qəzəb" əməliyyatı çərçivəsində dost hava məkanında uçarkən itkin düşüb. Hadisənin səbəbləri araşdırılır. Qəza düşmən və ya dost atəşindən baş verməyib,” – ABŞ Ordusu bildirib.

Altı ekipaj üzvündən ikisi qəza sonrası itkin sayılırdı, digər dörd üzvün həlak olması isə əvvəlcə açıqlanmışdı.