ABŞ müharibə nazirinin olduğu təyyarə Britaniyada təcili eniş edib

NATO müdafiə nazirlərinin Brüsseldə keçirilən görüşündən sonra ABŞ-a qayıdan ABŞ müharibə naziri Pit Hegseti daşıyan təyyarə ön şüşəsində yaranmış çat səbəbindən Birləşmiş Krallıqda planlaşdırılmamış eniş həyata keçirib.

"PostMadia" xəbər verir ki, bu barədə Britaniya mediası məlumat yayıb.

Müharibə nazirinin ictimaiyyətlə əlaqələr üzrə köməkçisi, Pentaqonun baş sözçüsü və SECWAR-ın baş müşaviri Şon Parnell X platformasında açıqlama yayaraq bildirib ki, təyyarə standart prosedurlara uyğun olaraq endirilib və Hegset də daxil olmaqla bütün heyət üzvləri tam təhlükəsizdir.

Pit Hegset Brüsseldə NATO müdafiə nazirlərinin toplantısı və Ukrayna Müdafiə Əlaqə Qrupunun iclasında iştirak edirdi.