Ekvador Prezidenti Noboaya sui-qəsd cəhdi olub

Ekvador Prezidenti Daniel Noboanın korteci təxminən 500 nəfərlik bir qrup tərəfindən daşlı hücuma məruz qalıb. "PostMedia" AFB-yə istinadən xəbər verir ki, prezidentin avtomobilində “güllə izlərinə bənzər zədələr” aşkarlanıb, lakin Noboa hadisədən xəsarət almadan xilas olub. Hadisə ilə bağlı 5 nəfər saxlanılıb.

"Reuters" isə prezidentin hadisə zamanı yaralanmadığını təsdiqləyib.

Ekvadorun ətraf mühit və enerji naziri Ines Manzano bildirib ki, hadisə Noboa Canar əyalətində bir tədbirə gedərkən baş verib. Təxminən 500 nəfərlik qrup prezidentin korteçinə daşlarla hücum edib.

Hadisədən sonra prezidentin avtomobilində “güllə izlərinə bənzər zədələr” müəyyən olunub.

Nazirin sözlərinə görə, sui-qəsd cəhdində Prezident Noboa xəsarət almayıb və polis hadisə ilə bağlı 5 nəfəri saxlayıb.