“Orta Dəhliz”in inkişafı və “Zəngəzur dəhlizi”nin açılması tranzit yükdaşımaların artmasına töhfə verəcək - Yılmaz

"Türkiyə Cənubi Qafqazda sülhün bərqərar olunmasına yönəlmiş səyləri dəstəkləyir və Bakı ilə İrəvan artıq bu istiqamətdə əhəmiyyətli irəliləyiş əldə ediblər".

"PostMedia" xəbər verir ki, bunu Türkiyənin vitse-prezidenti Cevdet Yılmaz bəyan edib.

“Demək olar ki, iki ölkə (Azərbaycan və Ermənistan) arasında sülhün rəsmi şəkildə rəsmiləşdirilməsinə çox az vaxt qalıb. Bundan sonra strateji baxımdan böyük əhəmiyyətə malik olan Cənubi Qafqaz həm regional, həm də qlobal səviyyədə yeni rol qazanacaq”, — deyə o bildirib.

Yılmazın sözlərinə görə, “Orta Dəhliz”in inkişafı və “Zəngəzur dəhlizi”nin açılması tranzit yükdaşımalarının həcminin artmasına töhfə verəcək.

“Ümumilikdə, regionda tarazlığın təmin olunması həm təhlükəsizlik səviyyəsinin yüksəlməsini, həm də rifahın artmasını təmin edəcək”, — deyə türk rəsmisi vurğulayıb.