Emmanuel Makron: “Sərhədlər tam açılmalıdır – o cümlədən Azərbaycanla”

“Sərhədlər tam açılmalıdır – o cümlədən Azərbaycan və Türkiyə ilə, həmçinin Gürcüstanla əlaqələr heç bir məhdudiyyət olmadan fəaliyyət göstərməlidir”.

“PostMedia” xəbər verir ki, bunu Fransa Prezidenti Emmanuel Makron İrəvanda çıxışı zamanı deyib.

O çıxışında Azərbaycanla bağlı məqamı önə çəkərək bildirib ki, regionda real irəliləyiş üçün sərhədlərin açılması əsas şərtdir:

“Bunun üçün sərhədlərin açılması vacibdir. Ümid edirəm ki, qonşular da sizin kimi cəsarət göstərəcək və sülh, demokratiya və rifah yolunu seçəcəklər”.

Makron həmçinin Ermənistan və Azərbaycan arasında atılan ilkin addımları müsbət qiymətləndirib:

“Biz Ermənistan və Azərbaycan arasında ticarət məhdudiyyətlərinin aradan qaldırılması istiqamətində atılan addımları alqışlayırıq. Bu, mühüm başlanğıcdır, lakin kifayət deyil – sərhədlərin tam açılması lazımdır”.