Kobaxidze və Zelenski beş ildən sonra ilk dəfə İrəvanda görüşüblər

Gürcüstanın baş naziri Irakli Kobaxidze Avropa Siyasi Birliyinin sammiti çərçivəsində Ukrayna prezidenti Volodimir Zelenski ilə danışıqlar aparıb.

Bu barədə Gürcüstan hökumətinin mətbuat xidməti məlumat yayıb.

Məlumata görə, Ukrayna tərəfinin təşəbbüsü ilə keçirilən görüşdə iki ölkə arasındakı münasibətlər müzakirə olunub. Görüşdə hər iki ölkənin xarici işlər nazirləri də iştirak edib.

Qeyd olunur ki, Gürcüstan və Ukrayna rəsmiləri 2021-ci ildən bəri görüş keçirmirdi. Həmin ilin avqustunda Kiyevə rəsmi səfəri zamanı Gürcüstanın o zamankı baş naziri Irakli Garibashvili Zelenski ilə görüşmüşdü.