Sergey Lavrov ABŞ dövlət katibi ilə danışıb

Rusiyanın xarici işlər naziri Sergey Lavrov və ABŞ dövlət katibi Marko Rubio mayın 5-də telefon danışığı zamanı beynəlxalq gündəmin cari vəziyyəti üzrə “mövqelərin uzlaşdırılması” aparıblar.

"PostMedia" xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.

Məlumata görə, tərəflər beynəlxalq məsələlər və Rusiya-ABŞ münasibətlərində mövcud vəziyyət ətrafında fikir mübadiləsi aparıb, həmçinin ikitərəfli təmasların qrafikini müzakirə ediblər.

Bildirilib ki, telefon danışığı konstruktiv və işgüzar xarakter daşıyıb.