"Volkswagen", "BMW" və "Mercedes"in mənfəəti 76% azalıb

Alman avtomobil sənayesi son 15 ilin ən pis rübünü yaşayır.

"PostMedia" "Bild" nəşrinə istinadən xəbər verir ki, bu barədə "Ernst & Young" (EY) konsaltinq şirkətinin açıqladığı təhlidə qeyd edilir.

Hesabata görə, "Volkswagen", "BMW" və "Mercedes-Benz"in əməliyyat mənfəəti iyul-sentyabr dövründə kəskin şəkildə 76% azalıb və təxminən 1,7 milyard avroya düşüb.

Bu, 2009-cu ildən bəri ən aşağı göstəricidir, baxmayaraq ki, gəlir və satış ümumilikdə nisbətən sabit qalıb. Heç bir digər ölkə, böyük avtomobil sənayesi olan, belə zəif nəticə göstərməyib.

Xüsusilə Çin bazarına ciddi zərbə dəyib, çünki uzun müddət Alman avtomobil markalarını dəstəkləyirdi. Orada satışlar 9% azalıb, Çin bazarının ümumi satışdakı payı isə 39%-dən 29%-ə düşüb. Premium modellər daha pis satılır, elektrik avtomobilləri seqmentində isə alıcılar getdikcə daha çox yerli markaları seçir.