"Visa" stabilkoinlər vasitəsilə ödənişləri sürətləndirmək üçün "Aquanow" ilə əməkdaşlıq edir

Rəqəmsal ödənişlər sahəsində qlobal lider olan "Visa" (NYSE: V) şirkəti bu gün likvidlik və infrastruktur həlləri üzrə qlobal rəqəmsal aktivlər platforması eksperti olan "Aquanow" ilə tərəfdaşlıq yolu ilə Mərkəzi və Şərqi Avropa – Yaxın Şərq – Afrika (CEMEA) regionunda stabilkoin ödəniş imkanlarını genişləndirdiyini elan etdi.

"Aquanow"nun rəqəmsal aktiv infrastrukturunun "Visa"nın dünya səviyyəli texnologiya dəsti ilə inteqrasiyası, "Visa"nın emitent və alıcı şəbəkəsinin USDC kimi təsdiq edilmiş stabilkoinlər vasitəsilə əməliyyatlar aparmasına imkan verəcək, bununla da xərcləri, əməliyyat çətinlikləri və hesablaşma müddətlərini azaldacaq.

Maliyyə institutları arasında daha sürətli və daha səmərəli transsərhəd əməliyyatlara olan yüksək tələbat olduğundan, "Visa" şirkəti 365 günlük hesablaşmanı dəstəkləməklə pul vəsaitlərinin hərəkətinin "backend"ini rəqəmsallaşdırmaq üçün stabilkoinlərdən istifadə edir. 2023-cü ildə "Visa" şirkəti müştərilərinə USDC-də hesablaşma öhdəliklərini yerinə yetirməyə imkan verən pilot layihə həyata keçirməklə əməliyyatları stabilkoinlə həyata keçirən ilk böyük ödəniş şəbəkələrindən biri oldu. Bu günə qədər aylıq satış həcmi illik 2,5 milyard ABŞ dollarlıq həddi keçib.

"Stabilkoinlərin gücündən istifadə etməklə və onları etibarlı qlobal texnologiyamızla birləşdirməklə CEMEA regionundakı maliyyə institutlarına daha sürətli və daha sadə hesablaşmalar həyata keçirməyə imkan veririk", - deyə, "Visa"nın Mərkəzi və Şərqi Avropa – Yaxın Şərq – Afrika (CEMEA) regionu üzrə Baş vitse-prezidenti, Məhsullar və Həllər Departamentinin rəhbəri Qodfri Sallivan bildirib.

“Aquanow" ilə tərəfdaşlığımız ödənişlərin "backend" infrastrukturunun modernləşdirilməsində, çoxsaylı vasitəçiləri olan ənənəvi sistemlərdən asılılığın azaldılmasında və maliyyə institutlarını pul vəsaitlərinin hərəkətinin gələcəyinə hazırlamaq istiqamətində atılan daha bir mühüm addımdır."

"Visa"nın etibarlı qlobal şəbəkəsi uzun müddətdir ki, pul vəsaitlərinin təhlükəsiz və səmərəli hərəkətini təmin etmişdir. "Visa" və "Aquanow" birlikdə maliyyə institutlarının rəqəmsal iqtisadiyyatda iştirakı üçün yeni imkanlar açır, sürətli və şəffaf internet üzərindən ödəniş etmək üçün stabilkoin texnologiyasından istifadə edirlər" - deyə, "Aquanow" şirkətinin Baş icraçı direktoru Fil Şam bildirib.

"Visa" (NYSE: V) rəqəmsal ödənişlər sahəsində dünya lideridir və dünyanın 200-dən çox ölkə və regionunda istehlakçılar, biznes, maliyyə və hökumət təşkilatları arasında həyata keçirilən maliyyə əməliyyatlarını dəstəkləyir. Şirkətin missiyası innovativ, rahat, etibarlı və təhlükəsiz ödəmə şəbəkəsi vasitəsilə dünyanı birləşdirməklə istehlakçıların rifahına xidmət etmək, biznes və iqtisadiyyat üçün davamlı inkişaf imkanlarını təmin etməkdir. Biz əminik ki, iqtisadi əlçatanlığın hamı üçün genişləndirilməsi bütün dünyada insanların güzəranını yaxşılaşdırır və pulların gələcək qlobal hərəkətinin əsası təşkil edəcək. Daha ətraflı məlumat üçün: visa.com.az.

"Aquanow" sürətlə böyüyən banklar, neobanklar, broker şirkətləri və ödəniş şirkətlərinə dəstək verən, likvidlik və infrastruktur sahəsində dərin təcrübəyə malik qlobal institusional rəqəmsal aktiv platformasıdır. Şirkət texnoloji infrastrukturu idarə edir və hər ay milyardlarla ABŞ dolları dəyərində kripto broker və ödəniş əməliyyatlarını maliyyələşdirir. 2018-ci ildə qurulan "Aquanow"nun dünya üzrə ofislərində 170-dən çox işçisi var. "Aquanow" 2024-cü ildə, ardıcıl ikinci il "Deloitte Technology Fast 500" siyahısında yer almış və 4 illik gəlir artımı 3022% səviyyəsinə çatmışdır. "Aquanow" haqqında daha ətraflı məlumat üçün www.aquanow.com saytına daxil olun.

"Aquanow" BƏƏ-də Dubay Dünya Ticarət Mərkəzində yerləşən və L-2795 lisenziya nömrəsi altında fəaliyyət göstərən və Dubayın Virtual Aktivlərin Tənzimlənməsi Orqanı tərəfindən tənzimlənən "Aquanow ME FZE" vasitəsilə fəaliyyət göstərir. Şirkətin Broker-Diler xidmətləri, Kredit və Borc xidmətləri, İdarəetmə və İnvestisiya xidmətləri də daxil olmaqla lisenziyalı (VL/24/01/001) fəaliyyətlərlə məşğuldur. Virtual aktivlər qiymət dəyişikliyi və investisiyalarınızı itirmə ehtimalı da daxil olmaqla müxtəlif risklərlə müşayiət olunur. Onlar maliyyə mühafizəsi ilə təmin olunmur, buna görə də bu riskləri tam başa düşmək vacibdir.