Almaniyanın büdcəsi İran müharibəsinə görə təxminən 18 milyard avro itirəcək

Almaniyanın maliyyə naziri Lars Klinqbail vergi gəlirləri ilə bağlı son dərəcə pessimist proqnoz təqdim edib. Yeni məlumatlara görə, artıq cari ildə dövlət xəzinəsi payızda gözləniləndən 17,8 milyard avro az gəlir əldə edəcək.

"PostMedia" bu barədə "Bild"ə istinadən xəbə verir.

Hakimiyyət maliyyə uğursuzluğunun əsas səbəbi kimi İranda davam edən müharibənin iqtisadi nəticələrini göstərir. Bu vəziyyət qlobal enerji böhranına səbəb olub və Almaniyanın iqtisadi artımını ləngidib.

Vəziyyət xüsusilə federal büdcəyə ağır təsir göstərəcək: 2026-cı ildə gəlir çatışmazlığı təxminən 10 milyard avro təşkil edəcək. Rayonlar və bələdiyyələr də milyardlarla avroluq kəsir səbəbindən xərcləri azaltmağa məcbur olacaqlar.

Maliyyə Nazirliyinin proqnozlarına əsasən, 2030-cu ilə qədər büdcənin ümumi itkiləri 87,5 milyard avroya çatacaq. Klinqbail baş verənlərə görə məsuliyyəti birbaşa xarici amillərin üzərinə qoyaraq, ABŞ-ın İrandakı hərəkətlərini “Trampın məsuliyyətsiz müharibəsi” adlandırıb və bunun qlobal iqtisadiyyatı dağıtdığını bildirib.