"Toyota" qlobal satış üzrə yeni rekord müəyyən edib

"Toyota Motor" 2025-ci ilin təqvim ili üzrə avtomobil satışlarının nəticələrini açıqlayıb.

"PostMedia" xəbər verir ki, ötən il şirkət dünya üzrə 11 milyon 322 min 575 yeni avtomobil satıb. Bu göstərici bütün konsernin – o cümlədən "Daihatsu Motor" və "Hino Motors" törəmə şirkətlərinin satışlarını da əhatə edir. Statistikaya minik avtomobilləri ilə yanaşı, yük maşınları və avtobusların satışı da daxildir.

Xüsusilə "Toyota" və "Lexus" markaları üzrə satışlar 10 milyon 536 min 807 ədəd təşkil edib ki, bu da tarixi rekorddur və 2024-cü illə müqayisədə 3,7% artım deməkdir. Bu ümumi rəqəmin 1 milyon 501 min 263 avtomobili Yaponiyanın daxili bazarında satılıb.

Şirkətin satış artımı əsasən Yaponiya və Şimali Amerika bazarları hesabına təmin olunub.