Rusiya, İran və Azərbaycan Şimal-Cənub dəhlizinin inkişafı üzrə razılığa gəliblər

Azərbaycan, İran və Rusiya arasında anlaşma memorandumu imzalanıb.

"PostMedia" xəbər verir ki, sənəd gömrük yanaşmalarının uyğunlaşdırılmasını, vahid ümumi tariflərin formalaşdırılmasını, müntəzəm blok qatarlarının işə salınmasını və Şimal-Cənub marşrutu üzrə nəqliyyat prosedurlarının təkmilləşdirilməsini nəzərdə tutur.

Bildirilir ki, bu mexanizmlərin tətbiqi Rusiya, Azərbaycan və İran arasında daha proqnozlaşdırıla bilən, sürətli və qənaətcil logistika zəncirinin yaradılmasına imkan verəcək.

Əlavə olunur ki, razılaşma regionda tranzit axınlarının davamlı artımı üçün əlverişli şərait yaradır.