"Port Baku"nun yanında metro stansiyası olacaq

"Bakı Metropoliteni" QSC "Port Baku" yaşayış kompleksinin yaxınlığında yeni stansiyanın tikintisini həyata keçirəcək.

"PostMedia" xəbər verir ki, bunu jurnalistlərə qurumun mətbuat katibi Bəxtiyar Məmmədov bildirib.

B.Məmmədov qeyd edib ki, yeni stansiya metronun "Xətai" stansiyasına yaxın olacaq və "Yaşıl xətt"ə birləşdiriləcək.

"Bununla yanaşı, Babək prospekti üzərində şəhər istiqamətində ilk stansiyanın tikintisi həyata keçiriləcək. Sözügedən layihə prospekt boyunca sərnişinlərin hərəkətini asanlaşdıracaq".