Ermənistan və Azərbaycan nümayəndələri Sədərək - Yerasx dəmiryolu hissəsinin vəziyyətini yoxlayıblar

Bu gün Ermənistan və Azərbaycan nümayəndələri Sədərək - Yerasx dəmiryolu hissəsinin infrastrukturunun cari vəziyyətini birgə yoxlayıblar.

"PostMedia" xəbər verir ki, bu barədə Azərbaycan Nazirlər Kabineti məlumat yayıb.

Yoxlamanın məqsədi həmin dəmiryolu hissəsinin xüsusi dəmiryolu tikinti texnikasının hərəkətinə uyğunluğunu qiymətləndirmək və infrastrukturun bərpası üçün kompleks tədbirlər həyata keçirmək olub.

Yoxlama çərçivəsində tərəflər həmin hissədə dəmiryolu infrastrukturunun texniki vəziyyətinin qiymətləndirilməsi ilə bağlı fikir mübadiləsi aparıblar.