“Arsenal” və “Liverpul” Kamavinqanın transferi uğrunda mübarizə aparacaq

İngiltərənin “Arsenal” və “Liverpul” klubları Madridin “Real” klubunun fransalı yarımmüdafiəçisi Eduardo Kamavinqanın transferi uğrunda rəqabət aparacaq.

"PostMedia" "Caught Offside" məlumat yayıb.

23 yaşlı futbolçunun transfer məbləği 100 milyon avroya çata bilər.

Cari mövsümdə Kamavinqa 24 oyunda iştirak edib, 2 qol vurub və 1 məhsuldar ötürmə edib. Onun “Real”la müqaviləsi 2029-cu ilin iyununa qədər qüvvədədir.

Transfermarkt Kamavinqanın transfer dəyərini 50 milyon avro olaraq qiymətləndirir.