Məhkəmə PSJ-ni Mbappeni 61 milyon avro ödəməyə məcbur etdi

Paris məhkəməsi Fransanın çempionu, kubok sahibi, superkubok sahibi və Çempionlar Liqasının qalibi PSJ-ni fransalı hücumçu Kylian Mbappenin 2024-cü ilin baharında ödənilməmiş maaş və bonusu üçün 61 milyon avro ödəməyə məcbur edib.

”PostMedia” xəbər verir ki, bu barədə “RMC Sport” məlumat yayıb.

2024-cü ilin yayında Mbappe sərbəst agent kimi Madridin “Real” klubuna keçib.

2024-cü ilin sentyabrında Fransa Futbol Liqası PSJ-ni Mbappeni 55 milyon avro ödəməyə məcbur etmişdi. Paris klubu isə bu qərarı yerinə yetirməkdən imtina etmiş və əks iddia təqdim etmişdi.