Avropa İnsan Hüquqları Məhkəməsi Ermənistana 5 000 avro ödəməyi tapşırıb

Avropa İnsan Hüquqları Məhkəməsi “Manukyan Ermənistana qarşı” işində şikayətçiyə 5 000 avro məbləğində mənəvi zərərin ödənilməsini tələb edib.

"PostMedia" xəbər verir ki, 2016-cı il dekabrın 28-də Ermənistan vətəndaşı Hrayr Manukyan  tərəfindən İnsan Hüquqları və Əsas Azadlıqların Müdafiəsi Konvensiyasının 34-cü maddəsinə əsasən Ermənistan əleyhinə şikayət təqdim olunub.

Məlumata görə, 2014-cü ildə şikayətçi Ermənistan Milli Təhlükəsizlik Xidmətinin (MTX) əməkdaşı V.A. ilə görüşərək ondan bu xidmətlə sistemli əməkdaşlıq etməsini xahiş edib. 2014-cü il iyunun 30-da şikayətçi və V.A. şəxsi görüşü kafe şəraitində keçiriblər. Həmin dövrdə şikayətçi “Varislik” müxalifət partiyasının rəhbər orqanının yeni seçilmiş üzvü olub. Görüş zamanı şikayətçi əməkdaşlığı rədd edib və V.A. bu rəddin mümkün nəticələri barədə bir sıra açıqlamalar verib.

Hökumət iddia edirdi ki, şikayətçinin şəxsi və ailə həyatına heç bir müdaxilə olmayıb və toplanmış məlumatlara cavab olaraq heç bir tədbir görülməyib.

Məhkəmə isə qərara alıb ki, şikayətçi şəxsi həyatına əsassız müdaxilə və effektiv araşdırmanın olmaması səbəbindən mənəvi zərərə məruz qalıb.