İran Əfqanıstana təxminən 300 məhkumu təhvil verib

292 əfqanıstanlı məhkum İrandan öz ölkələrinə göndərilib.

"PostMedia" "Mehr" agentliyinə istinadən xəbər verir ki, bu barədə İran Ədliyyə Nazirliyi məlumat yayıb.

Əfqanıstanlı məhkumlar “Taliban” hərəkatının hakimiyyətinə Dögaru və İslam-Qala sərhəd keçid məntəqələri vasitəsilə təhvil verilib.

Məhkumların törətdikləri cinayətlər əsasən narkotiklərlə bağlıdır və onların təhvil verilməsi iki ölkə arasında imzalanmış ikitərəfli sazişlər əsasında davam etdiriləcək, deyə nazirlik əlavə edib.