Qarabağdakı keçmiş separatçı rejimin sabiq "ordu" rəhbəri ev həbsinə buraxılıb

Qarabağdakı keçmiş separatçı rejimin "silahlı qüvvələr"inin sabiq rəhbəri Mikael Arzumanyanın barəsində seçilmiş qətimkan tədbiri dəyişdirilib. O, həbsdən ev dustaqlığına buraxılıb.

"PostMedia" xəbər verir ki, bu barədə onun vəkili Erem Sarkisyan sosial şəbəkələrdə məlumat verib.

Qərar Antikorrupsiya Məhkəməsinin hakimi Vardqes Sarkisyan tərəfindən çıxarılıb. Arzumanyan 2022-ci il sentyabrın 1-dən həbsdə idi.

Xatırladaq ki, Mikael Arzumanyan 2022-ci ilin sentyabrında həbs edilmişdi. O, Ermənistan Cinayət Məcəlləsinin 375-ci maddəsi (hərbi vəzifəli şəxsin səhlənkarlığı) ilə ittiham olunur.