Rusiya məhkəməsi saxta içki istehsal edən azərbaycanlıya 8 il iş kəsib

Rusiyanın Samara şəhər məhkəməsi “Mister Sidr” adlı ölümcül içki işi üzrə hökm çıxarıb.

"PostMedia" xəbər verir ki, məhkəmənin qərarı ilə Anar Hüseynov və Artyom Ayrapetyan 8–9 il həbs cəzasına məhkum ediliblər.

Qeyd edək ki, prokurorluq Anar Hüseynov və Artyom Ayrapetyan üçün 10 il həbs cəzası tələb etmişdi. İstintaqın versiyasına görə, məhz onların “texnologiyası” saxta spirtin istifadəsinə gətirib çıxarıb ki, bu da faciəyə səbəb olub. Nəticədə 50 nəfər həlak olub, 63 nəfər isə xəsarət alıb.

İstintaq zamanı məlum olub ki, spirtin xammalı oğurluq olub. Onu Samara şəhərində DİN-in anbarından ata və oğul Yeqorovlar polis əməkdaşı Grebyonkin ilə birlikdə ələ keçiriblər.