“Vietnam Airlines” kiber hücuma məruz qaldı – müştəri məlumatları ələ keçirilib

Vyetnamın mülki aviasiya sektorunun aparıcı şirkəti olan “Vietnam Airlines” daimi müştərilərinə xüsusi məktub göndərərək kiber hücuma məruz qaldığını bildirib

"PostMedia" bu barədə "RİA Novosti"yə istinadən xəbər verir.

Hücum nəticəsində beynəlxalq şirkətləri də əhatə edən müştəri məlumatlarının sızdığı qeyd olunur.

Şirkət müştərilərə bir sıra tövsiyələr verib.

“Lotusmiles” hesablarının və həmin hesablara bağlı elektron poçtların şifrələrini dəyişin, “Vietnam Airlines” adından ola biləcək fişinq cəhdlərinə qarşı ehtiyatlı olun, şübhəli e-poçtlar və ya telefon zənglərinə diqqətlə yanaşın, təsdiqlənməmiş mənbələrə şəxsi məlumat, birdəfəlik şifrələr və ya hesab məlumatları ötürməyin.

Şirkət baş verənlərlə bağlı araşdırmanın davam etdiyini bildirib.