Bakının mərkəzindəki yanğın söndürülüb

Bakı şəhəri, Nəsimi rayonu, Rəşid Behbudov küçəsində yerləşən çoxmərtəbəli yaşayış binasında baş vermiş yanğın tam söndürülüb.

“PostMedia” xəbər verir ki, bu barədə Fövqəladə Hallar Nazirliyi məlumat yayıb.

Qeyd edək ki, bu gün səhər saatlarında Bakı şəhəri, Nəsimi rayonu, Rəşid Behbudov küçəsində yerləşən çoxmərtəbəli yaşayış binasında yanğın baş verib.

Dərhal əraziyə FHN və Daxili İşlər Nazirliyinin (DİN) əməkdaşları cəlb edilib.