İrəvanda 7 yaşlı Rusiya vətəndaşı eyvandan yıxılıb

İrəvanda Rusiya vətəndaşı olan 7 yaşlı uşaq eyvanın dəmir barmaqlıqları arasından ehtiyatsızlıqdan yıxılıb.

“PostMedia” xəbər verir ki, bu hadisə mayın 5-də saat 13:30 radələrində baş verib.

Fotomüxbir Qaqik Şamşyanın məlumatına görə, hadisə yerində həkimlər polis əməkdaşlarına bildiriblər ki, yaralı xəstəxananın xüsusi şöbəsinə yerləşdirilib.

Mərkəzi polis şöbəsinin əməkdaşları müəyyən ediblər ki, yaralı Rusiya vətəndaşı, 7 yaşlı Lina A.-dır. O, Buzand küçəsində yerləşən binalardan birinin 2-ci mərtəbəsinin eyvanında oynayarkən təsadüfən barmaqlıqların arasından yıxılıb.

Uşaq “yerdəyişməsiz bud sümüyü sınığı” və “yerdəyişməsiz xətti kəllə çatlaması” diaqnozu ilə Viqmor Qadın və Uşaq Xəstəxanasına çatdırılıb.

Faktla bağlı polisinin Mərkəzi bölməsində araşdırma materialları hazırlanıb.