Rusiyada avtoxuliqanlıq edən azərbaycanlı deportasiya edildi

Rusiyada yol hərəkəti qaydalarını kobud şəkildə pozan Şamil Babayev Rusiya vətəndaşlığından məhrum edilərək ölkədən deportasiya olunub.

"PostMedia" xəbər verir ki, bu barədə “Pulya” “Telegram” kanalı məlumat yayıb.

Məlumata görə, Babayev ötən il Saratov küçələrində üzərində Azərbaycan bayraqları olan mavi rəngli "VAZ-2107" markalı avtomobillə təhlükəli sürücülük edib.

Onun qoşa davamlı xətti keçdiyi, qarşı zolağa çıxdığı və yollarda qəza şəraiti yaratdığı bildirilir.

Nəticədə onun barəsində inzibati protokol tərtib olunub və Rusiyadan çıxarılması barədə qərar qəbul edilib.