İran motorlu qayıqlarının batırılması ilə bağlı ABŞ-nin iddiası həqiqətə uyğun deyil - "Tasnim"

İranın bir neçə hərbi motorlu qayığının batırılması ilə bağlı ABŞ-nin iddiası yalandır.

"PostMedia" bu barədə "Tasnim" hərbi mənbəyə istinadən məlumat yayıb.

Agentliyin bildirdiyinə görə, ABŞ tərəfi daha əvvəl bir sıra açıqlamalarla çıxış edib, o cümlədən Hörmüz boğazından iki gəminin keçməsi və İranın bir neçə hərbi motorlu qayığının batırılması barədə məlumat verib. Lakin qeyd olunur ki, bu iddiaların hər ikisi təkzib edilib.

Xatırladaq ki, daha əvvəl ABŞ Mərkəzi Komandanlığının (CENTCOM) rəhbəri, admiral Bred Kuper bildirmişdi ki, ABŞ Silahlı Qüvvələri ticarət gəmiçiliyinə mane olmağa çalışan İranın altı motorlu qayığını batırıb, həmçinin Hörmüz boğazının açılmasına yönəlmiş “Azadlıq” layihəsi çərçivəsində İranın qanadlı raketlərini və pilotsuz uçuş aparatlarını zərərsizləşdirib.