Türkiyə İrana qarşı mümkün hərbi əməliyyat ssenariləri üzrə fövqəladə planlarını yeniləyir - “Bloomberg”

Türkiyə ABŞ rəhbərliyi ilə İrana qarşı mümkün hərbi əməliyyat fonunda fövqəladə hallar üzrə planlarını yeniləyib.

“PostMedia” xəbər verir ki, bu barədə “Bloomberg” məlumat yayıb.

 Məlumatda deyilir ki, hazırlıqlar, xüsusilə, mümkün kütləvi qaçqın axınının qarşısını almaq məqsədilə sərhəd təhlükəsizliyinin gücləndirilməsini və İrana doğru nəzarət tədbirlərini əhatə edir. Son həftələr NATO-nun Türkiyədə yerləşən AWACS müşahidə təyyarələrinin İran istiqamətində uçuşlarının sayı xeyli artıb. Ankaranın əsas narahatlığı İranda yaşayan əfqan və pakistanlıların kütləvi şəkildə Türkiyəyə üz tutması ehtimalıdır. ABŞ prezidenti Donald Trampın İrana qarşı məhdud zərbələri müzakirə etməsi bölgədə gərginliyi daha da artırır.