İran və ABŞ Cenevrədə danışıqlarda irəliləyiş əldə edib

İran və ABŞ Cenevrədə keçirilmiş dolayı danışıqlarda “yaxşı irəliləyiş” əldə ediblər.

"PostMedia" xarici KİV-lərə istinadən xəbər verir ki, bu barədə Omanın xarici işlər naziri Badr al-Busaidi məlumat verib. 
Danışıqlar konstruktiv keçib və tərəflər yekun sazişin əsas prinsiplərini müəyyən etmək üçün ciddi səylər göstəriblər. Eyni zamanda, Al-Busaidi vurğulayıb ki, sazişə çatmaq üçün hələ çox iş görülməlidir və tərəflər növbəti görüşdən əvvəl atılacaq addımları aydın şəkildə anlayıblar.
Oman naziri Rafael Qrossin də danışıqlara töhfəsini yüksək qiymətləndirib.