Avropa İttifaqı İranın İslam İnqilabı Keşikçiləri Korpusunu terror təşkilatları siyahısına daxil edib – Kaya Kallas

Avropa İttifaqı İranın İslam İnqilabı Keşikçiləri Korpusunu (İİKK) terror təşkilatları siyahısına daxil edib.

"PostMedia" xəbər veir ki, bu barədə Aİ-nin xarici siyasət üzrə ali nümayəndəsi Kaya Kallas sosial şəbəkələrdə açıqlama verib.

“Zorakılıq cavabsız qala bilməz. Aİ-nin xarici işlər nazirləri az əvvəl qətiyyətli addım ataraq İranın İslam İnqilabı Keşikçiləri Korpusunu (İİKK) terror təşkilatı kimi tanıdılar. Minlərlə öz vətəndaşını öldürən istənilən rejim öz məhvinə doğru gedir”, – deyə Kallas yazıb.

Daha əvvəl Reuters agentliyi xəbər vermişdi ki, Aİ xarici işlər nazirləri İranın İslam İnqilabı Keşikçiləri Korpusunun terror təşkilatları siyahısına daxil edilməsi imkanını təsdiqləyiblər.