İran ABŞ Silahlı Qüvvələrinin Yaxın Şərqdəki hərəkətlərini izləyir

İran ordusunun hərbçiləri Yaxın Şərqdə ABŞ Silahlı Qüvvələrinin bütün hərəkətlərini diqqətlə izləyir və ölkənin müdafiə qabiliyyətini gücləndirmək üçün zəruri tədbirlər görürlər.

"PostMedia" xəbər verir ki, bu barədə İslam Respublikasının Xarici İşlər Nazirliyinin nümayəndəsi Esmail Bağai ABŞ Prezidenti Donald Trampın bölgəyə çoxsaylı amerika gəmiləri göndərmək barədə açıqlamalarını şərh edərkən deyib.

“Bölgəyə hər hansı gəmilərin göndərilməsi İranın suverenliyini qorumaq əzmində heç bir təsir yaratmayacaq. Buna görə də İran İslam Respublikasının Silahlı Qüvvələri bütün hərəkətləri diqqətlə izləyir və eyni zamanda müdafiə qabiliyyətinin gücləndirilməsi, milli suverenliyin və ölkənin şərəfinin qorunması üçün bir dəqiqə belə vaxt itirmir”.

Yanvarın 23-də Tramp ABŞ-nin İranda vəziyyəti izlədiyini və bölgəyə əhəmiyyətli qüvvələr göndərdiyini bildirib. Onun sözlərinə görə, bu istiqamətdə çoxsaylı gəmilər, böyük donanma hərəkət edir.

Bundan əvvəl ABŞ Prezidenti İslam Respublikasına qarşı qüvvə tətbiq etmə imkanını ciddi şəkildə nəzərdən keçirdiyini xəbərdarlıq etmişdi.