Aİ limanlar və 42 tankerlə bağlı sanksiyalar hazırlayır

Avropa İttifaqı Rusiyaya qarşı 20-ci sanksiyalar paketi çərçivəsində 42 tankeri qara siyahıya salmağı və ilk dəfə olaraq üçüncü ölkələrin — İndoneziya və Gürcüstanın limanlarına Rusiya nefti ilə bağlı fəaliyyətlərə görə sanksiyalar tətbiq etməyi planlaşdırır.

"PostMedia" xəbər verir ki, bu barədə Reuters agentliyi Aİ-yə üzv dövlətlərin təsdiqi üçün Avropa Komissiyasına təqdim olunmuş sənədə istinadən xəbər verir.

Agentliyin məlumatına görə, sanksiyalar Gürcüstandakı Kulevi terminalına və İndoneziyadakı Karimun limanına şamil ediləcək. Bundan əlavə, Aİ-nin Tacikistan, Laos və Qırğızıstan banklarına qarşı sanksiyalar tətbiq etməyi, eyni zamanda iki Çin bankına qarşı sanksiyaları ləğv etməyi planlaşdırdığı bildirilir.

Avropa Komissiyası daha əvvəl bəyan etmişdi ki, 20-ci paket çərçivəsində ilk dəfə olaraq Rusiya neftinin dəniz yolu ilə daşınması ilə bağlı istənilən fəaliyyətə tam qadağa qoymağa cəhd ediləcək.