"Tesla" "Model S" və "Model X" elektrik avtomobillərinin istehsalını dayandırır

"Tesla"nın baş icraçı direktoru İlon Mask "Model S" və "Model X" elektrik avtomobillərinin istehsalının dayandırıldığını açıqlayıb.

"PostMedia" xəbər verir ki, Mask bu modellərin istehsalının başa çatması barədə 2026-cı ilin ikinci rübündə investorlarla keçirilən telefon konfransı zamanı məlumat verib.

Onun sözlərinə görə, bu avtomobillərin istehsal edildiyi Kaliforniya ştatının Fremont şəhərindəki zavod "Optimus humanoid" robotlarının istehsalı üçün yenidən təchiz ediləcək.

"Tesla" "Model S" və "Model X" modellərinin istehsalının dayandırıldığını 2025-ci ilin sonunda şirkətin mənfəət və satış həcmlərində qeydə alınan ciddi azalma fonunda elan edib. CNN-in qeyd etdiyinə görə, Maskın siyasi fəallığı və ABŞ Prezidenti Donald Trampla əməkdaşlığı bəzi amerikalı və avropalı istehlakçılar arasında "Tesla"nın imicinə mənfi təsir göstərib.

Bununla belə, CNN yazır ki, "Model S" və "Model X"dən imtina "Tesla"nın ümumi satışlarına ciddi təsir etməyəcək, çünki bu modellər ümumi satışların təxminən 3 faizini təşkil edir.