“Arsenal” yarımfinalda “Çelsi”ni mübarizədən kənarlaşdırıb

Londonun “Arsenal” klubu İngiltərə Liqa Kubokunun finalına vəsiqə qazanıb.

"PostMedia" xəbər verir ki, ispaniyalı baş məşqçi Mikel Artetanın rəhbərlik etdiyi komanda yarımfinalda “Çelsi”ni turnirdən kənarlaşdırıb.

Cavab oyununda “Arsenal” 1:0 hesabı ilə qalib gəlib. Qarşılaşmanın əlavə olunmuş 8-ci dəqiqəsində qələbə qolunu alman hücumçu Kay Haverts vurub.

İlk oyunda isə “Arsenal” səfərdə 3:2 hesabı ilə üstün olmuşdu.

Finalın digər iştirakçısı “Mançester Siti” – “Nyukasl Yunayted” cütlüyündə müəyyənləşəcək. İlk görüşdə Mançester təmsilçisi 2:0 hesabı ilə qalib gəlib. Cavab oyunu fevralın 4-də Mançesterdə keçiriləcək.