İnfantino: "Rusiyaya tətbiq olunan qadağanın ləğvi məsələsini nəzərdən keçirməyə borcluyuq"

FIFA-nın Prezidenti Canni İnfantino yaxın vaxtlarda Rusiya yığmalarının beynəlxalq arenaya qayıda biləcəyinə işarə edib.

"PostMedia" bu barədə "Sky News"a istinadən xəbər verir.

“Rusiyaya qarşı qadağanın ləğvi məsələsini nəzərdən keçirməyə borcluyuq. Bu qadağa heç nə vermədi, yalnız məyusluq və nifrət yaratdı. Rusiyalı oğlan və qızların Avropanın digər ölkələrində futbol oynamaq imkanı yalnız fayda verərdi.

Nizamnamədə siyasi səbəblərlə heç bir ölkənin futboldan kənarlaşdırıla bilməyəcəyini təsbit etmək lazımdır”.

Qeyd edək ki, 2022-ci ilin fevralından etibarən Ukraynada Rusiya Silahlı Qüvvələrinin hərbi əməliyyatları səbəbindən Rusiya yığmaları və klubları beynəlxalq rəsmi turnirlərdə iştirak hüququndan məhrum edilib.